Poesie
Sabet
Vintiquater de Giugn
 
   
  Dal Dialetto milanese...
Ona nott de quei pervers
senza stell, senza ona lumm,
pitturaa de negher fumm
el pareva l'univers.

Con on vent de tramontana,
Nev tempesta a badalucch ;
serom quatter mammalucch
rifugiaa dent a ona tana;

Aspettavam ch'l balcass
Per tornà ai reticolaa,
e mi, mezz indormentaa
me cascava el còo giò in bass.

Tra la veglia e tra el dormì,
involtiaa in del me pastran,
a travers a quel bacan
mi sentivi sti robb chì:

Tas, demoni d'on tacch pomm
Cadenass imperial reg,
che te ghett el privileg
de sparà coi ball dom-dom

Novantun, o brutto lòder,
che te paret on giocattol,
rompegh minga tropp i scatol
ai tognit, ai pover toder.

Citto là, la s'cioppettaglia
Che sem nun mitragliatris
Che resping i assalt nemis
Quand infuria la battaglia.

In pianura o su i montagn,
dedree a on mur, o in ona grotta
i nemis mettom in rotta
e ghe femm voltà i calcagn.

Ve conven sta schisc, balotol,
me n'avi già dàa ona suppa;
mi quand spari su la truppa
i omm sì che mandi a rotol.

Tegnì a ment, sont el canon
Cosìdetto de montagna
Menom strag in di ploton.

Questa l'è prosopopea,
ma i vost' colp fan minga smoev,
come el centquarantanoev
i ripar d'ona trincea.

Va pur pian in del discor:
sont no mi, el dusentquaranta
che ruina, sbrusa, schianta,
che travolg con gran fragor?

L'è no forsi el me proiett
che quand mi t'l mandi in ari
contra ai trupp de l'avversari
tutti tremen de spaghett?

Ma sentì sto calibrott,
come chi ghe fuss nissum;
mi, tresent e vottantun
el me calcula nagott.

Mi, che col minor fradell
Tresentcinqu, sia ferr, sia sass,
dove battom l'è on sconquass,
l'è on stermini, l'è on macell.

Te saret minga on portent;
anca mi servi la mort
in del mar, visin ai port
coi tranei e i tradiment.

Chi sont mi?sont el silur
che sgizzand in mezz ai pess
vo a colpì proppi in del mess
anca i nav i pussèe dur.

Ma fee minga el tovaian
e tegnì on poo strett la bocca
che el primato a me mi tocca
quand me molla l'aeroplan.

Nessun supera num bomb
Per portà tanto sgoment,
massacrà tanti innocent
e dervì on bordell de tomb.

Sì, ma voialter si in error
E manchee on poo de riguard
Se credì che num bombard
Siom i voster inferior.

Dove s'cioppa i nost materi
se sfregia ona fortezza,
tutt se strascia tutt se spezza
tutt va in polver, va in maceri.

On moment, fermeves, alt!
fee del largo fee del spazzi,
sanguanon, se no ve mazzi
che mi sont el car d'assalt.

Quand traversi la pianura
Mi soppressi, spari, strasci,
rompi, schisti, tutt spetasci,
foo on sfragell de mett paura!

Tase giò, si tutti impiaster;
no n'ammò ve si convint
che sol mi quatercentvint
go el brevett di grand disaster?

Se'l me moster vomitass
Ghe no on fort de assal, de ghisa
Che non conscia in una guisa
De fagh moev pietà anca ai sass.

Convenì però i me scior,
che anca mi gas asfissiant
so massa i belligerant
con del fumm e pocch rumor.

Ma sti machin de l'inferno
sarann forse miss dedre
a quaicoss anmò pusse
spaventos, trist e moderno.

Vedaran el gran sucess
De sto ordegn de distrussion.
Mi son l'ultim: el progress.

Ovvero...
La poesia non necessita di traduzione. E' bella così.

Segnalato da Poesia di Pietro Friggi.
Segnalata da Elena

 
     
 

..:: A ::..

 
A la mia nna...
A la mia Nona...
Agost on amor e......
Al m amis Pieraldo...
Arnes de guera...
 

..:: C ::..

 
Car, el m car Milan...
Cassina lombarda...
Ciao Giorgio (el sciur G.)...
Ciao Pirata...
 

..:: D ::..

 
Des de Giugn 1940...
 

..:: E ::..

 
El Doveva N...
El grand mm e l'Angiol custd...
El me Milan...
El mond balss...
El Nster Dmm (E.De Marchi)...
El Nster Dmm! (M.Turati)...
El Risott...
El Vecc, la Ranza e on Ghezz...
El vintinuv de Magg 1176...
 

..:: F ::..

 
Foeja gialda...
 

..:: G ::..

 
Gh' ch la primavera...
 

..:: I ::..

 
I bombon...
I man del m pap...
I stagion de la lus a forfee...
Il presepe...
In difesa della cusina milanesa...
In Dmm...
 

..:: L ::..

 
La curtascia...
La mia povera nonna la ghaveva...
La nostra Madunina...
La Pulitica...
La Ranza...
La stria de Fausto...
Lombardia...
Luna Inversa...
L Aquila...
Leleziun del President...
Lultim valzer con l (1859)...
 

..:: M ::..

 
Madrigal...
Maria Dolens...
M Mader...
Milan che Drma...
Milan! Natal 1961...
Milanin Milanon...
Miseria...
 

..:: N ::..

 
Natale 1993...
Nev...
Nintta del Verzee...
 

..:: O ::..

 
O bll faccin...
 

..:: P ::..

 
Piang el vent...
Piassa Quaranta...
Preghiera disperada...
Primavera...
 

..:: R ::..

 
Requiem per Sant Ambroeus...
 

..:: S ::..

 
Sant'Anna...
Sensazion d'on Natal...
Sgn...
 

..:: U ::..

 
Ul me par ca l'...
 

..:: V ::..

 
Voeuja de Natal...
Vori n el paradis...
 
Aggiungi ai Preferiti
Copyrights

     
Powered by Stefano